Pas njoftimit të Suedisë se kërkesa për pasaportë për vaksinën kundër koronavirusit do të vihet në praktikë, numri i njerëzve që u futën mikroçipe nën lëkurë u rrit dukshëm, sipas mediave lokale.

E përditshmja suedeze Aftonbladet raportoi të dielën se u regjistrua rritje e numrit të njerëzve që kishin mikroçipe të vendosura në duart e tyre pas njoftimit të Suedisë se një pasaportë vaksinimi do të kërkohet në të gjitha ngjarjet me mbi 100 pjesëmarrës që nga 1 dhjetori, shkruan AA transmeton arbresh.info

Duke cituar një banor, Hannes Sjoblad, e përditshmja raportoi se ai kishte një mikroçip me pasaportën e tij të vaksinimit të futur në dorën e majtë.

Sjoblad vuri në dukje se të gjitha informacionet e tij për COVID-19 pasqyrohen në telefonin e tij celular kur ai merr celularin e tij në dorën e majtë, duke shtuar se ky është një trend i ri që është bërë i njohur në mesin e suedezëve.

Një tjetër banor, Olle Helkimo, tha se kishte futur edhe një çip në dorën e majtë, duke e bërë të ndihej më i shëndetshëm.

Sipas studiuesit të kulturave dixhitale, Moa Petersen, rreth 6,000 njerëz në Suedi kanë një çip të futur në duar.

Petersen theksoi se ata me implante mikroçipi kanë ndaluar të mbajnë pasaporta vaksinash, çelësa, karta identiteti, madje edhe bileta treni, falë teknologjisë së identifikimit të frekuencave radio, një sistemi pa tel që përbëhet nga etiketa dhe lexuesit.

Në vitin 2017, kompania shtetërore hekurudhore e vendit njoftoi se filloi të pranonte bileta me mikroçip me numrin në rritje të njerëzve që kishin implant mikroçipe. /arbresh.info/